Tumingin ka naman

Sige nga. Hulaan mo nga kung anong bago sakin.

Hindi mo siguro napansin noh. Hindi, hindi ako nagpagupit ulit. Ganun pa rin naman kulay ng buhok ko. Hindi din bago ang suot kong damit. Cellphone? Hindi a, yung luma ko pa rin 'to.

Haaay bakit pa nga ba ako nagtataka? Hindi mo naman talaga ako napapansin e. Tumitingin ka nga sa akin, lumalampas naman. Nakikinig ka nga sa mga sinasabi ko, di mo naman inuunawa.

Hindi na dapat ako nagtatanong. Nasanay na rin naman ako. Medyo matagal-tagal na rin kasing ganito. Namanhid na ako, napagod na. Kaya tanggap nalang ng tanggap, wala nang paglaban. Wala nang resistance.


Teka.









Wala na nga ba?


-----



"...ganito ring panahon nang walang awang patayin ng ulan ang apoy sa aking puso."


_{*salamat kay Karl para sa litrato.}